sanggeus halimun peuray

resensi novel "sanggeus halimun peuray" 

 

JudulResensi   : Jodo nu teu disangka

Pangarang       : Aam Amilia

Pamedal          : Pustaka Amaldi

TahunTerbit     : 1982

TempatTerbit : Bandung

Kandel buku   : 76 halaman

IlustrasiBuku :Cokelat,beureum bata,abu,bodas danhejo; Warna dasarna abu, aya gambar bangku warna cokelat, tulisan buereum bata jeung bodas.

Aam Amilia téh salah sahiji pangarang wanoja Sunda nu kawilang produktif tur penting dina Sastra Sunda. Mimiti ngarang ti taun 1960-an, nepi ka 2006 ratusan carpon jeung puluhan buku nu geus ditulis.Karangan Aam Amilia réréana mah ngagambarkeun kahirupan di pakotaan. Aya deuih sawatara karanganana nu ngandung unsur detéktif, siga dina buku Kalajengking. Lian ti ngarang, Aam gé ngipuk sawatara pangarang ku ngayakeun keurseus ngarang. Di antara pangarang nu kungsi kaasuh ku Aam téh Holisoh MÉ jeung Hérmawan Aksan.Lahir di Bandung, 21 Désémber 1946. Kungsi jadi wartawan jeung redaktur Majalah Manglé, majalah Hanjuang, koran Sipatahoenan, tabloid Galura, tabloid Kudjang, koran Sunda, wartawati Pikiran Rakyat.Buku kénging Aam Amilia: Samagaha (1969), Asmara Ngambah Sagara (1970), Lalangsé (1970), Jago-jago Bandung Selatan (carita barudak), Puputon (1979), Buron (1980), Sanggeus Halimun Peuray, Kalajengking (1980), Tempat Balabuh (1994), Sekar Karaton (1994), Panggung Wayang (1992).

            Novel Sanggeus Halimun Pueray nyaritakeun pamuda ngora nu nyaah ka indung ngarana Inu, ngalalakonan hirup kudu nulungan kawiwirangan anak babaturan indungna, anu hamil tiheula gara-gara di bobodo ku lalaki, ngarana Awit. Manehna nganggap kawin ka Awit teh murni dek nulungan Awit tina kawiwirangan, euweuh rasa suka saeutik oge, malahmah mikaijid kanu ngarana Awit teh, nu nyebabkeun manehna kudu pepegatan jeung Mila,awewe nu kumanehna dipiasih tibaheula. Salila rumah tangga jeung Awit, Inu ngarasa kaduhung nurut kana kanyaah manehna ka indung, hayang balas budi ngajait tina wiwirang. Padahal Mila, awewe nu salila ku manehna dipiasih jeung dipuja teh geus hianat ti memeh Inu papangantenan jeung Awit oge. Sanggeus manehna frustasi ditinggalkeun ku Mila, nu megatkeun tali kaasih sarta dek dipiboga kubatur, manehna jadi luntang-lantung teu puguh kamana tujuan, maen awewe, nepika ngalakukeun hal anu dianggap haram kuagama nurutkeun kahayang nafsuna hungkul, gara-gara nurutkeun omongan sobat dalitna, Obos. Malahan, kubakat keuheulna Inu ka Awit, gara-gara pepegatan jeung Mila, basa anak na Awit dek babar manehna kalahka ngaleos sabari ketus, embung nungkulan saeutik-saeutik acan nepika ampleng-amplengan kabur, leuwih ti sabulan.

            Lila-lila manehna jadi babalik pikir, jeung karasa heuras jeung paitna kahirupan dunya teh. Salila ieu, Awit, nu kumanehna dipiijid jadi jalma anu geus bisa ngagantikeun Mila. Anggapan manehna ngeunaan hiji-hiji jelema teh salah, utamana ka Awit, nu dina pikiran manehna salila ieu awewe teu bener, bangor, euweuh tanggung jawab jadi indung, jeung teu bisa diandelkeun teh jadi robah. Sanggeus Awit nu asalna bogoh ka Inu, geus apal yen Inu sok datang kamanehna sanggeus pepegatan jeung Mila, jeung asa dijadikeun panglumpatan hungkung jadi ngarasa geuleuh jeung asa teu di hargaan ku Inu. Sanggeus anak Awit lahir, Awit ngangaranan eta budak teh Ina, ku bakat deudeuh-deudeuh teuing ka Inu. Tapi lila-lia Inu nunjukukeun yen manehna geus rubah, jeung hayang ngahiji jadi salakina Awit.

A. Tokoh jeung Panokohan

1. Inu                                                   : Teu dewasa, labil, nyaah ka indung

2. Awit                                                : Sabar, bageur, nyaahan, introspeksi maneh

3. Obos                                                : ngajak kana kagorengan

4. Ema (indung Inu)                            : Asak jejegan, nyaahan

5. Yuyum (adina Inu)                         : manja

6. Mamih (Indungna Awit)                 : teu tanggung jawab, nyaahan

7. Ira                                                    : ngajak kana kagorengan

8. Mila                                                 : hianat, munafik

B. Unsur Carita

1. Alur

Pangenalan. Konflik. Klimaks. Jeung panutup carita.

2. Tema

Anggapan anu salah

3. Katerangan

Tempatna di Garut jeung Bandung.

C. Kaunggulan jeung kalemahan

Numutkeun simkuring. dina novel ieu aya sababaraha kaunggula jeung kalemahan sapertos kieu :

1.         Kaunggulan

- Bahasa novelna merenah, gampang dipiharti.

- Caritana matak panasaran jeung pinunjul.

- Caritana pakait rapih, caritana hese ditebak.

- Pangarangna pinter nyamunikeun saha nu jadi ka Inu

-Carita cintana rame. Teu kawas carita bobogohan budak ngora nu biasa.

2.    Kalemahan

- Alur caritana teu pati cocok kanggo budak anom. Kusabab caritana nyaritakeun

hiji kulawarga.

Wasta         : Kapita Putri H

Kelas          : XI IPA 3

Tugas resnsi novel sunda